Haldina

Ti Haldina cordifolia, sin. Adina cordifolia, ket ti agsabsabong a mula iti pamilia ti Rubiaceae, ti bugbugtong a sebbangan ti henero ket ti Haldina. Daytoy ket patneng iti akin-abagatan nga Asia, manipud iti India iti daya aginggana iti Yunnan ken Bietnam ken iti abagatan aginggana iti Malaysia Peninsular. Daytoy ket ammo a kas Kadam wenno Kadamba iti Hindi ken Gáo trò iti Bietnamis. Ti Haldina cordifolia ket ti matmatnag-bulong a kayo a mablin nga agtubo iti sumurok a 20 metro iti katayag. Dagiti sabong ket mabalinda a di madlaw a bugbugtong ngem mabalinda met a napintas no agkukuyoda nga agsabong kadagiti inploressensia iti sirkumperensia iti 20–30 mm. Kadawyan dagitoy a duyaw a mamarisan bassit iti derosas. Ti H. cordifolia ket kaadwyan nga agsabong kadagiti bulan ti panaglalam-ek (namaga a tiempo). Ti ukis ti kayo ket agtignay a kas maysa nga antiseptiko.